बुधवार, २१ डिसेंबर, २०११

इंद्रधनूचा साज

तांबडा रंग प्रेमाचा
आयुष्यात या रंगणार का?

नारिंगी रंग थंडाव्याचा
ऊब मला तू देणार का?

पिवळा रंग मैत्रीचा
म्हातारपणी टिकणार का?

हिरवा रंग सधनतेचा
शेतकऱ्यांना लाभणार का?

निळा रंग आकाशाचा
चंद्राला कधी कळणार का?

पारवा रंग अनाकलनीय
समजावून मला सांगाल का?

जांभळा रंग रहस्याचा
गूढ विश्वाचे शोधणार का?

सप्तरंगी साज हा इंद्रधनूचा
कवेत घेता कधी येणार का??