एक छोटंसं कॅन्टीन असावं
वडापावच्या वासानं तोंडाला पाणी सुटावं
तिथे घडलेली कहाणी असावी
ज्यानं चहाची लज्जत वाढावी
असं ...
लायब्ररीतल्या तिचं चित्त पुस्तकात असावं
तिच्याकडे पाहून त्याला eye tonic मिळावं
notes च्या बहाण्याने तिला भेटावं
आणि त्याचं गुपित तिला कळावं
असं ...
जिमखान्यात tt चं table असावं
खेळता खेळता कधी lecture हि बुडावं
सरांबरोबर एखादी game जिंकावं
त्यातूनच score करायला शिकावं
असं ...
सगळ्यांना मुग्ध करणारं गाणं असावं
drum set च्या तालावर पावलांनी थिरकावं
नाटक यशस्वी होताच
अवघा भाव विश्व व्यापावं
असं ...
सगळ्यांना सामावणारं magzine असावं
क्षण चित्रांना कॅमेऱ्यात टिपावं
नामांकित व्यक्तीना भेटावं
कर्मण्य हे नाव सार्थ करावं
असं ...
गप्पांसाठी कट्ट्यावर यावं
चेष्टा मस्करीत कुणी आपलं व्हावं
वेळ होताच आपल्या मार्गांवर निघून जावं
आठवणी जपण्यासाठी कॉलेज मध्येच भेटावं
असं ...