☺️मनमुराद जगलेलं बालपण☺️
धुणं धुताना थंडगार पाण्याचे उडणारे छोटेसे तुषार आणि कपड्यांचा आवाज..
नऊवारी पातळ काठीने एका सरळ रेषेत
वाळत घालताना आजी आठवते आज..👵🏻
झाडून स्वच्छ केलेलं मातीचं अंगण
पाण्याचा तांब्या विशिष्ट पद्धतीने धरून केलेलं सडा-संमार्जन
रांगोळीचे ठिपके यायचेच की आपोआप ओळीत
फ्री-हँड्स वगैरे नव्हतं हं त्या रांगोळीत..✨
सर्व प्रकारची फुलं, पत्री अन् दूर्वा एकत्र एका परडीत तर कधी फ्रॉकच्या ओटीत
मधेच दिसली एखादी माऊ तर आईकडे हट्ट…
आई दे ना गं माऊसाठी दूध वाटीत🐱
सायन्स, टेक्नोलॉजी, गॅजेट्स स्वीकारत मोठे झालोय आणि होतोय आपण..
पण कधीतरी स्वस्थ बसून विचार केला की डोकावतं….
मनमुराद जगलेलं बालपण☺️
——-✍🏾मधुदीप
कोणत्याही टिप्पण्या नाहीत:
टिप्पणी पोस्ट करा